Sa interview sa DXDC RMN Davao kay Police Major Rhuel Barachina, Chief of Police sa Hagonoy Municipal Police Station, gisaysay niini nga gikumpirma sa tagtungod ang biktima ug giilang si alyas Dagul nga taga Digos City.
Base sa ilang inisyal nga imbestigasyon, nagtuo ang unang nakakita sa sako nga igo lamang gilabayan og basura iyang basakan apan sa pagsuway na niya’g alsa, namatikdan niya ang kabug-at niini maong gisuwayan niya og gisi ang tunga nga bahin sa sako ug didto na nakumpirma nga patay nga lawas diay kini sa usa ka tawo.
Tungod sa kahilit ug kamingaw sa maong dapit, wala’y ni bisan kinsa ang nakadungog sa mga kasikas nga timailhan sa krimen. Ginasubay pa usab kung adunay camera sa lugar nga makatabang pag-ila sa mga naghimo sa krimen.
“Nagatuyok atong imbestigador (sa) pagpangutana, pagpakisusi ug pagtan-aw pud kung naay mga available CCTV (closed-circuit television) kung diin mao ni mag-shed light sa possible identity sa mga naglabay aning patay nga lawas,” matud sa police official.
Sa pagkakaron, gina-examine pa ang lawas sa biktima aron masusi kung sa unsa kining paagi gipatay ug nagapadayon pa ang hugot ug lawom nga imbestigasyon sa otoridad ug aron nga masubay sab ang entry ug exit points nga posibleng ruta sa suspetsado.
RadyoMaN Ivy Parido
