Ang maong patay kinsa wala pa mailhi sa Mintal Police Station hangtod karon, bukog na ang ulo hangtud sa lawas, ug ang tiil na lang ang duna pa’y unod ug panit.
Nasayran nga maong tiil dunay nakapatik nga Tribal Tattoo ug nagkalapok na usab kini, apan ang Kapulisan wa’y nakuhang identipikasyon gikan sa biktima.
Sa gihimong imbistigasyon sa Mintal PNP, usa ka residente nga si Edmund Opiniano kinsa nagtugway sa iyang kanding, ang nakamatikod sa duha ka iro nga daw dunay gibitad gikan sa kasagbutan sa nasampit nga Barangay bandang 5:40 gahapon sa hapon.
Nasuta nga nagsuot og itom nga short ug bench nga brief ang nasampit nga Biktima kinsa usa na ka kalansay na dihang nakita ang maong patay timailhan pila na kini ka adlaw nga namatay.
Dili pa sab masulti sa Mintal PNP kon gipatay ba ug gilabay sa maong dapit ang biktima, busa dili pa usab ma-istablisar ang motibo sa maong panghitabo.
Sa karon, ang patay’ng lawas gidala na sa punerarya alang sa dugang imbistigasyon sa atong Kapulisan.
RadyoMaN Joel Viray
