Babayeng kanhi dunay deperensiya sa pangisip, patay nang nakit-an sa usa ka manilhigay

Patay nang nakit-an ang usa ka babaye dapit sa Rotonda Circle padulong sa Barangay Macasandig ning siyudad karong buntag.

 

Biktima nailang si Helen Rivera, minyo, naay usa ka anak nga taga Pag-asa, Bolonsiri, Barangay Camaman-an.

 

Matud sa ig-agaw sa biktima nga si Jeffrey Labita, kanhi dunay problema sa pangisip ang maong biktima ug molakaw lang kini nga dili mananghid sa iyang bana.


 

Nakit-an ang biktima nga naghigda sa kasagbutang bahin ug dunay panapton nga gihimong hapin.

 

Samtang, gibutyag ni SPO2 Joel Tare ang imbestigador sa Police Station 9, Macasandig nga walay nakit-ang foul play sa kamatayon sa biktima ug normal lang matud pa ang labhag nga nakita sa likod nga bahin agi’g pinaakan sa mananap.

Facebook Comments