patayng lawas sa usa ka biktima sa sunog sa NCCC mall nga taga Banga, South Cotabato-ipalubong na ugmang adlawa

General Santos City—Ugmang adlawa na gikatakdang ilubong ang patayng lawas sa usa sa 37 ka mga biktimang nasunog sa NCCC mall of Davao nga taga Banga South Cotabato nga si Kim Benidict Quinsing.

Sumala ni Jimmy Quinsing, amahan sa biktima nga wala na nila gidala sa lungsod sa Banga, South Cotabato ang patayng lawas sa iyang anak inay tua nalang nila kini ipalubong sa Forest lake sa syudad sa Davao.

Aminado kini nga sila nasakitan pa gyud sa kalit kalit nga kamatayon sa iyang kamanghurang anak apan wala syay mahimo tungod pagbuot man kini sa kahitas-an. Ila nalang matud pa dawaton ang tanan.
(Photo from Web)