Patayng lawas sa usa ka lalaki napalgan sa baybayon sa Barangay Dalipuga

Patay nang napalgan ang usa ka lalaki nga naglutaw-lutaw daplin sa baybayon sa Purok 5 Sitio Mapalad Brgy. Dalipuga ning syudad sa Iligan.
Ang biktima naila nga si Ruel Handina nga taga NEUPODA, Bayug, sakop sa  Barangay Hinaplanon ning syudad sa Iligan kinsa naila pinaagi sa iyang bantay Purok ID, ingon man Quarantine Pass.
Sumala sa kapulisan sa Police Station 3, nga napalgan ang biktima alas 6 kapin kun kulang ang takna sa kabuntagon diin gihigot ug alambre ang li-og niini.

Giingong duha ka adlaw na nawala ang maong biktima human kini milakaw gumikan  sa depression.

Gidala sa Mary Venus Funeral Homes ang patayng lawas sa maong biktima.


Padayon karon ang imbestigasyon sa SOCO  kalabot sa maong insidente 
📷 Rutchel Sabellano

Facebook Comments