Davao City- Usa ka patayng lawas nga nag buy-od nga wa nay kinabuhi sulod sa girentahan nga kuwarto didto sa Brgy. San Antonio Agdao ning dakabayan.
Subay sa report gikan Sta. Ana PNP, ang patay nga lawas naila nga si Jovelio Guanzon, 46 anyos usa ka magtutudlo ug nitibo nga taga General Santos City.
Matud pa sa gilusad nga imbestigasyon sa Sta. Ana PNP, gisaysay sa usa ka nagbantay sa maong boarding house nga si Felissa Paglinawan nga duna siyay nasimhutan gikan sa kuwarto sa biktima. Nadiskobrehan nalang nga sarado ug gipalong ang suga ug namatikdan nga wala na nigawas ang biktima hinungdan nga nangayo og pakitabang sa pamilya.
Nasuta sa kapulisan nga walay foul play ang kamatayon sa biktima gumikan dunay sakit nga gihambing sa pneumonia, heart failure ug diabetes basi usab sa pamahayag sa mga kabanay sa biktima
Nagtuo ang kapulisan nga tungod sa sakit ang hinungdan sa kamatayun sa biktima
RadyoMan Don Pulayao
