Davao City – Gilayong girespondehan sa mga sakop sa Tagum City Police Station ang gikatahong napalgang patay’ng lawas nga gituohang gi-salvage sa Bingcungan River, Purok Rose, Barangay Bincungan, Tagum City niadtong Valentine’s Day.
Sa impormasyong gipadala sa DXDC RMN Davao gikan kang Police Lieutenant Colonel Jeffrey Latayada, ang hepe sa Tagum City Police Station, gisaysay sa nakasaksi nga samtang nangahoy siya, natimahuan niya ang patay’ng lawas nga nasangit sa mga kahoy sa maong sapa.
Subay sa health protocol, dali kining gipalubong sa Busaon Cemetery tungod padulong na kining madugta.
Sa karon padayon pa ang imbestigasyon sa kapulisan aron masuta ang gidangatan sa wala mailhing lalaki.
Nanawagan usab ang buhatan sa Tagum Police sa tagtungod nga kung kinsa katong adunay nawad-an og kapamilya, mamahimong mubisita sa ilang opisina o mutawag sa ilang numero sa 09197485024.
RadyoMaN Ivy Parido
Facebook Comments
