Paternity Leaves angay i-avail

31

Davao City – Tuig 1985, nagminyo si Alberto Pabellona apan niadtong panahona wala pa’y Paternity Leave diin ang mga lalaking minyo tugotan sa kumpanyang gitrabahoan nga maka-leave og usa ka semana aron maatiman ang asawa nga bag-ong nanganak sulod sa ospital o dili ba kaha sa balay.

Matud ni Alberto, kung aduna lang unta’y Paternity Leave kaniadto unta taas nga panahon ang iyang matagana ngadto sa iyang pamilya tungod kay wala ma’y angay kabalakan gumikan bayad man sa kumpanya nga leave kini sa trabaho.


Busa, swerte matud pa ang mga amahan karon nga panahon kay aduna nay Paternity Leave benefits nga ilang magamit ug mapuslan gayod nila ang usa ka semana sa pag-atiman sa ilang mga misis ug mga anak nga bag-ong nahimugso sa kalibutan.

Alang ni Alberto, mas maayo gayod nga e-avail sa mga amahan ang Paternity Leaves kay benepisyo kini nga ang tumong mao ang paghatag og kahigayonan sa mga kalalakin-an nga makauban ang ilang mga mahal sa kinabuhi nga nanginahanglan sa ilang presensiya.

Base sa kasinatian ni Alberto, ang pagpangunay sa bana sa pag-atiman sa iyang asawa makatabang kini sa pagpalig-on sa relasyon ug sa ilang panaghigugmaay isip magti-ayon ug konkretong pagpalig-on sa natukod nga pamilya.

RadyoMaN Joel Viray

Facebook Comments

From Advertisers