Davao City- Aron mahadlok ang mga batan-on nga mohimo ug kremin, gisugyot karon nga paubsan ang edad sa mga batan-on nga mapasakaan ug kaso. Sumala ni Noli Dimaandal Information Officer Philippine Drug Enforcement Agency (PDEA-XI), aron malikay ug mahadlok ang mga batan-on sa paghimo ug krimen.
Matud ni Dimaandal, tinuod man o dili ang bersyon sa kapolisan kabahin sa kalambigitan sa mga illegal nga kalihukan nila ni Kian Loyd delos Santos ug Carl Arnaiz, usa lamang kini sa nakita ni Dimaandal nga himoon.
Sa pikas bahin, malaumon ang Eastern Mindanao Youth for Peace nga matagaan ug maayong solusyon kini nga problema sa kapolisan nga walay maagrayadong mga ginikanan. Matud ni Kenneth Tagaro spokesperson Eastern Mindanao Youth for Peace, usabon ang ilang approach sa mga batan-on aron dili mahadlok sa mga awtoridad.
Samtang giklaro usab ni Tagaro, mas dakong nasayud ang ginikinan kung unsa ang kinaiya sa iyang anak gikan sa pagkabata hangtod na pagkadako kung buotan ba kini o dili, apan ang mga ginikanan mao may magtudlo sa iyang anak sa tanang kaayohan aron dili mahagbong sa kalaotan.
Kasamang Bernard Pantallon
