Manila, Philippines – Nanganak na ang aktres na si Pauleen Luna!
Ang masayang balita ay inanunsyo mismo ng mister niyang si Vic Sotto sa isang noontime show.
Kwento ni Vic, kahit nakaalis na ng ospital ay napapalundag pa rin siya sa sobrang saya.
Si Pauleen ay nagsilang ng isang malusog at cute na cute na baby girl pero hanggang ngayon hindi pa nila inire-reveal ang pangalan nito bukod sa clue na nagsisimula ito sa letter “T”.
Samantala, buhos ang blessing kay Vic Sotto dahil bukod sa baby, napili siya ng Philippine Movie Press Club (PMPC) para gawaran ng Ading Fernando Lifetime Achievement Award para sa 31st PMPC star awards for television ngayong taon.
Ito ay dahil sa hindi matatawarang kontribusyon ni Vic sa daigdig ng Philippine television mula sa pagiging host hanggang sa pagbida sa hindi na mabilang na hit TV shows sa loob ng ilang dekada.
