Ginmanduan ni Presidente Rodrigo Duterte ang Department of Agriculture (DA) nga makig-angut sa Landbank of the Philippines kag Development Bank of the Philippines agud mangin madasig para sa mga mangunguma nga makautang kag makabawi kasunod sang kahalitan ni bagyo Ompong sa ila mga pananom.
Suno kay Special Assistant to the President Secretary Bong Go, dako ang ginbilin nga kahalitan sang kalamidad sa agrikultura gani luyag ni Presidente Duterte nga makabangon gilayon ang mga mangunguma.
Ginpahayag ni Go nga sa karon, kinahanglan nga mahatag ang mga agricultural seeds samtang ginasiguro sang gobyerno nga mahatag ang iban pa nga bulig sa mga mangunguma.
Dugang pa ni Go nga ginapadali na ni Presidente Duterte kay NHA General Manager Marcelino Escalada Jr kag DSWD OIC Virginia Orogo ang paghatag sang emergency shelter assistance sa mga naapektuhan sang bagyo Ompong.
(photo from web)
