Narescue sa mga mananagat sa Barangay Daanlungsod sa Medellin amihanang Sugbu ang gibana-banang 10 kilos nga pawikan kaganinang buntag , Hulyo 1 nga gidagsa sa baybayon .
Matud sa Fisheries coordinator sa lungsod sa Medellin nga si Egya Armecin ang pawikan napalgan sa mga sakop sa mga sakop sa Daanlungsod Fisherfolks Association pinanguluhan sa usa ka Renato Juevesano .
Ila unta kining gisuwayan sa pagduso ug balik ngadto sa dagat aron palangoyon apan mobalik gyud kini sa daplin hinungdan nga ila una kining gipakaon .
Matud ni Armecin ang pawikan nga adunay tag nga DENR Quezon Province nasuta usab nila adunay samad sa iyang ulo ug kilid nga sama ug gipana kini apan nangaalim na .
Dugang ni Armecin tungod kay lagsik ra ang pawikan , nakig-alayon sila sa taga Bantay Dagat ug kapolisan aron dalhon ug gibuhian pagbalik ngadto sa dagat.
