Manila, Philippines – Tanggap na ni Alaska Aces Head Coach Alex Compton ang posibilidad na hindi na muna makakapaglaro sa kabuuan ng Commissioner’s Cup ang rookie nitong si Jeron Teng.
Ayon kay Compton, inihahanda na niya ang koponan na wala muna si Teng sa rotation dahil kailangan nitong magpagaling matapos masaksak sa likod kamakailan.
Kung tatanungin si Compton, nais niyang makabalik agad sa aksyon ang pambato nilang rookie at dating Dela Salle Green Archer pero kailangan nilang sundin kung ano ang magiging rekomendasyon ng mga doktor na tumitingin sa kalagayan ni Teng.
Bukod kay Teng, nagpapagaling na rin sina Norbert Torres ng Rain or Shine at kapatid nitong si Thomas matapos silang pagsasaksakin nina Edmar Manalo, Joseph Varona at William Basili sa labas ng isang bar sa Bonifacio Global City noong Linggo ng madaling araw.
