Manila, Philippines – Isang buwan makaraan ang stabbing incident na kinasangkutan ng Alaska rookie na si Jeron Teng, balik court na ulit ito para sa Alaska Aces.
Nakapagambag ng 7 points at 2 rebounds si Teng, sa naging panalo nila kahapon kontra Phoenix Fuel Masters, kahit 18 at kalahating minuto lamang itong nakapaglaro.
Ayon kay Teng, happy siya at blessed na nakabalik na siya sa laro.
Nagpasalamat rin ito sa medical team na tumulong sa kaniyang paggaling, upang makabalik sa court ng mas maaga kaysa sa inaasahan.
Matatandaan noong June 3, sa isang bar sa BGC, Taguig, nasangkot sa away si Teng kasama si Norbert Torres ng Rain or Shine at dating La Salle Guard na si Thomas Torres, kung saan nagtamo ito ng saksak sa katawan at ilang araw rin siyang namalagi sa ospital.
