Bumisita sa Heritage Park sa Taguig sina Pangulong Ferdinand R. Marcos Jr., at First Lady Liza Araneta Marcos para sa burol ni Migrant Workers Secretary Susan Ople.
Eksatong alas-7:29 ng gabi nang dumating si Pangulong Marcos sa venue, kung saan nakipag-usap pa ito kay Overseas Workers Welfare Administration (OWWA) Administrator Arnel Ignacio bago umalis ng alas-8:05 ng gabi.
Dumalaw rin para makiramay ang ilang gabinete ni Pangulong Marcos na sina Executive Secretary Lucas Bersamin, Tourism Secretary Christina Garcia-Frasco, at Justice Secretary Jesus Crispin Remulla.
Samantala, dumating din sa burol ni Secretary Ople sina dating Pangulo at ngayo’y Pampanga Rep. Gloria Macapagal-Arroyo, House Speaker Martin Romualdez, Kabayan Representative Ron Salo at dating Sen. Manny Villar at Sen. Cynthia Villar.
Eksakto alas-6:00 ngayong gabi nang buksan ang burol ng pumanaw na kalihim para sa mga kaanak, kaibigan, at kasamahan sa gobyerno.
