Matapos ang 47th Association of Southeast Asian Nations (ASEAN) Summit sa Malaysia, biyaheng South Korea naman ngayong araw, Oktubre 30, si Pangulong Ferdinand Marcos Jr. para sa dumalo sa ika-32 Asia Pacific Economic Cooperation (APEC) Economic Leaders’ Meeting sa Gyeongju.
Mananatili ang pangulo sa South Korea mula October 30 hanggang November 2, bilang tugon sa imbitasyon ni South Korean President Lee Jae Myung.
Makakasama ng pangulo ang mga lider at iba pang kinatawan ng 21 bansa na bumubuo sa APEC.
Ayon kay Department of Foreign Affairs (DFA) Asec. Angelica Escalona, dadaluhan ng pangulo ang Leaders’ Meeting, Leaders’ Dialogue kasama ang APEC Business Advisory Council, at CEO Summit.
Sa sidelines ng APEC Summit, magkakaroon rin ng pakikipagpulong sa ilang business leader at business executives si Pangulong Marcos.
Magkakaroon din ng wreath laying at tree planting ceremony ang pangulo sa United Nations (UN) Memorial Cemetery sa Busan bilang pagbibigay-pugay sa 7,420 Filipino soldiers na nakipagdigma noong kasagsagan ng Korean war.
Habang haharap din sa Filipino Community sa Busan ang pangulo.
Batay sa DFA, nasa 70,000 ang Pilipino sa South Korea, kung saan 42,000 dito ay oversears Filipino workers (OFWs) sa linya ng agrikultura, entertainment, fishing, at household sector.
