PBBM, dili mag-resign samtang anaa si VP Sara sa pwesto – Political Analyst

Davao City – Gipasabot sa usa ka political analyst nga gapaningkamot karon ang kampo ni President Bongbong Marcos Jr. (PBBM) nga dili mag-resign tungod wala pa nahuman ang impeachment ni Vice President Sara Duterte.

Kini bisan gakatag na ang impormasyon nga dunay ginahambin nga grabeng balati-an ang presidente ug gidala na kini sa usa ka ilado ug dakong ospital.

Sa interview sa DXDC RMN Davao, gipunto ni Prof. Ramon Beleno III nga ginadepensahan kini sa administrasyon sanglit dili nila mapugngan si VP Sara nga muhulip pagka-presidente kung dunay mahitabo kang PBBM.

Kini sab matud pa ang maghatag og kasegurohan kanila sanglit ang presidente ang dunay gahum nga mutudlo kinsa ang mupuli sa bise kung magmalampusong ang impeachment niini.

Sa karon, padayong ginalimod sa administrasyon ang reports bahin sa kahimsog ni PBBM ug nag-upload pa og video kauban si PCO Usec. Claire Castro aron lamang makumbinsi ang publiko nga wala sila’y angay ikabalaka.

RadyoMaN Leo Battulayan