Giuyonan na ni Presidente Ferdinand Marcos Jr., ang usa ka executive order ug pipila ka mga proclamations nga mao’y maghatag amnestiya sa mga rebelde aron sila maawhag nga mubalik na sa sabakan sa gobyerno.
Ang Executive Order No. 47, gipirmahan ni Executive Sectary Lucas Bersamin niini lamang November 22, 2023 ug giamyendahan niini ang mga daang functions sa National Amnesty Commission (NAC) aron ma-proseso ang applications for amnesty ilawom sa bag-ong proklamasyon.
Ang amnestiya usa ka government order nga ‘i-pardon’ ang mga dagkong grupo sa mga indibidwal ug kini ginapatuman alang sa mga tawong nagabuhat og political offense batok sa estado.
Samtang una nang gibutyag sa mga miyembro sa New People’s Army (NPA) sa Southern Tagalog nga dili nila dawaton ang gihanyag nga amnestiya ni Marcos ug giingong ipadayon nila ang ilahang rebolusyon.
RadyoMaN Ivy Parido
Facebook Comments
