PBBM gigradohan og 4 sa grupo sa mga taxi drivers

Davao City – Gihatagan og bagsak nga grado sa organisasyon mga taxi drivers sa Dakbayan sa Davao si Pangulong Bongbong Marcos Jr.

Sumala ni Davao Taxi Drivers President Joms Lavina, hangtod 4 lang ang ilang mahatag nga grado kang Presidente Marcos Jr.

Gibarugan ni Lavina, angayan lamang sa grado nga 4, ang pamuno-nasod sanglit daghan kini’g mga saad niadtong kampanya, ang wala matuman sama sa P20 nga kilo sa bugas, padayon nga pagtaas sa presyo sa mga palaliton ug produktong petrolyo.

Buot ni Lavina nga sa laing tuig pa ni Pangulong Marcos Jr., mas tutokan niini kung unsaon pagpa-ubos sa presyo sa petrolyo, kay dako kaayo kini’g epekto sa kita sa mga taxi drivers kay diin gamay na lamang ang ilang madala sa pamilya, kay mopadulong lang sa pagtubil og gasolina.

Karong adlaw’ng lunes Hulyo 24, 2023, mao na ang ikaduhang State of the Nation Address (SONA) ni Pangulong Bongbong Marcos Jr.

RadyoMaN Joel Viray