In-appoint ni Pangulong Ferdinand Marcos Jr., si Airport Operations Expert Eric Jose Castro Ines bilang acting General Manager at miyembro ng Board of Directors ng Manila International Airport Authority o MIAA.
Batay sa transmittal letter address kay Transportation Secretary Jaime Bautista na pirmado ni Executive Secretary Lucas P. Bersamin nitong December 15 nakasaad na pinapalitan ni Ines si dating MIAA Chief Cesar Chiong.
Ang MIAA ay attached agency ng Department of Transportation o DOTr.
Si Ines ay nagtapos ng Bachelor of Arts sa University of the Philippines at nagtapos din ng Airport and Airline Management and Aviation Security course sa Bailbrook College, School of Aviation sa United Kingdom.
Siya ay nagsilbing airport station manager ng Etihad Airways at Gulf Air sa Manila mula March 1, 2006 hanggang December 31, 2017 at mula July 1, 1997 hanggang February 28, 2006.
