Nagdeklara si Pangulong Ferdinand “Bongbong” Marcos Jr. ng holiday sa ilang lugar sa bansa.
Batay sa Proclamation No. 499 na pinirmahan ni Executive Secretary Lucas Bersamin, idineklara bilang special non-working day ang April 19 sa Tarlac City para sa pagdiriwang ng 26th Charter Anniversary ng lungsod.
Sa magkahiwalay namang proklamasyon, wala ring pasok sa April 5 sa Pangasinan para sa selebrasyon ng 444th Founding Anniversary ng lalawigan at maging sa April 4 sa Antipolo, Rizal para sa kanilang 26th Cityhood Anniversary.
Sa April 3, walang pasok sa Balangiga, Eastern Samar para sa kanilang 170th Founding Anniversary.
Habang special non-working ngayong araw, March 22, sa Mambusao, Capiz para sa selebrasyon ng founding anniversary sa nasabing lugar.
