Mibisita gahapong adlawa sa Davao City si President Ferdinand Marcos Jr. aron tukion ang mga nahitabong kalamidad karon sa Davao Region ingon man aron mutunol og tabang pinansyal sa mga probinsyang labing apektado.
Sa iyang mensahe, iyang gibutyag nga prayoridad nila karon ang pag-ayo sa mga nagubang mga kalsada nga maoy agian sa mga ipanghatod nga ayuda.
Dugang pa nga dako ilang salig sa mga lokal nga panggamhanan tungod dili kini mahimo sa national government kung sila lang. Ug miingon nga andam sila magpadala og cash assistance ug relief goods pinaagi sa tabang sa mga LGU kung asa kini ihatod o kung unsa nga lugar angay unang iprayoridad.
Subay niini, nanghinaut ang netizens nga magpadayon na ang gisugdang tabang sa pangulo ilabi na niining panahon nga gikinahanglan siya pag-ayo sa mga Pilipino.
RadyoMaN Ivy Parido
Facebook Comments
