Matud ni Kabataan Partylist Mindanao Vice President Harvel Lao nga “Zero” ang ilang mahatag nga grado sa unang tuig nga pagdumala ni PBBM.
Gisulti ni Lao, wa’y nahimo ang Marcos Administration alang sa nasod ilabi na sa mga kabataan ug ang kapakyas matuman ang saad nga himoong P20 ang kilo sa bugas nga hangtod karon wala pa gihapon mahitabo.
Gibatikos ni Lao si PBMM, kay mas giuna pa niini ang Maharlika Fund, ROTC ug pagdelatar sa Barangay ug Sangguniang Kabataan Election, inay sa pagtuman sa mga programa nga alang sa ikaayo sa hut-ong sa kabataan.
Dugang pa ni Lao, usa ka lihok protesta ang ilang ilusad atol sa adlaw sa State of the Nation Address ni Pangulong Marcos Jr., karong bulana apan nagdumili kini paghatag sa detalye sa naasoy nga kalihokan.
RadyoMaN Joel Viray
