Pormal nga milingkod isip bag-ong Regional Director sa rehiyonal nga buhatan sa kapolisan sa Zamboanga Peninsula si PBGen Florencio T Ortilla hulip ni PBGen Ronaldo Genaro E Ylagan kagahapon sa hapon.
Ang Turn-Over of Command gitambongan mismo ni PGen Guillermo Eleazar, Chief PNP lakip na ang pipila ka mga kadagkuang opisyal sa kapolisan didto sa Camp Col Romeo Abendan, Mercedes, Zamboanga City.
Pamahayag pa ni CPNP Eleazar nga siya masaligon nga kung unsa man ang kalampusan nga nahimo ni PBGen Ylagan sulod sa napulo ka mga bulan sukad niadtong bulan sa Disyembre tuig 2020, mahimo usab ni PBGen Ortilla.
Si PBGen Ortilla sa wala pa kini milingkod isip Regional Director sa PRO9, nahimo kini nga Aviation Security Group Director ug ka-mistah ni PBGen Ylagan nga “Bigkis-Lahi” PMA Class 90.
Samtang mitak-op na usab ang panerbisyo ni PBGen Ronaldo Genaro Ylagan human sa 35 ka mga tuig ug unom ka bulan diin gipahigayon usab ang retirement honors niini kagahapon. (chai)
