PCA-ZDN, MITUNOL UG TSEKE SA LGU DAPITAN NGA MOKANTIDAD SA 1.3M

Opisyal na nga gitunol sa Philippine Coconut Authority (PCA) Provincial Office nga girepresentahan ni Coconut Development Officer Elpedido A. Espiritu Jr. sa kagamhanang lokal sa Dakbayan sa Dapitan nga gidawat ni Mayor Seth Frederick P. Jalosjos didto sa Dapitan City Government, ang tulo ka tseke nga nag-kantidad og PhP 1,313,000 isip Municipal Share sulod sa niaging tulo kabuwan sa pagpadumala sa mga kalubihan sulod sa dakbayan.
Ang Republic Act No. 8048 o ang balaod sa paghan-ay sa pagputol sa kahoy nga lubi, ang pagpuli niini ug ang mga silot sa dili pagtuman mao ang naghatag sa abot para sa munisipyo o syudad ug sa baranggay.
Adunay bahin nga PhP 40.00 kada kahoy sa lubi ang munisipyo o lungsod ug aduna pud PhP 20.00 na bahin ang baraggay gikan sa pagkuha og permit pagputol sa kahoy. Subay niini, ang abot gigahin para sa Coconut Industry Development nga ipaagi sa kagamhanang lokal na gamiton alang sa pag-ayo ug rehabilitasyon sa mga karsada nga naguba tungod sa padayon nga pag-agi sa mga bug-at nga sakyanan nga gigamit sa paghakot sa mga kahoy nga lubi.
Facebook Comments