Damo iton nabisita o nagkakasakob nga mga turista ha Sinirangan Bisayas ilabi na ha Tacloban nga ansya iton pinakadako nga Syudad ha bug-os nga rehiyon.
Ha datos nga nakuha han RMN News team tikang ha Tacloban City Tourism Office, as of 2016, 518,089 nga mga turista an napakanhi ha Tacloban. Kasagaran ini ha ira an ginsisisiring, kulang iton taxi ha Tacloban nga magdudul-ong unta ha ira, ha ira destinasyon.
Sumala kan Oliver Cam, PCCI Eastern Visayas point person for Trade and Industry, mahinay iton transport sector ha Tacloban, sanglit iton mga turista nagrereklamo.
An maupay nga balita yana tikang ha Philippine Chamber of Commerce and Industry (PCCI), iginduso nira nga magkamayada Uber taxi ha Syudad han Tacloban.
“We really push it na makapasok ang Uber dito sa atin kasi yung taxi na mayron sa Tacloban, kontrata-kontrata lang yan eh.”
Sanglit an LTFRB Regional Office, gin abrihan na an ira buhatan para han Uber application ha rehiyon.
Para ha Tacloban City Tourism Office, mas magiging convenient iton transportation needs han mga turista, usa liwat ini ha mas magpapadamo pa nga bisita ha Tacloban.
