Davao City – Hitsas na ang Philippine Coast Guard (PCG)-Davao para sa ilusad nga Oplan Ligtas Biyahe Christmas 2018.
Sa interbyu sa RMN Davao kang PCG station Davao LCDR. George Maganto, gipaabot na lamang nila ang order gikan sa national headquarters.
Segun ni Maganto nga naka-heightened alert status sila ilabi na karong dugok ang mga tao nga manguli ug mubakasyon.
“Reminders natin lalo na sa pier na kung ano ang in-implement natin na safety regulations makigpag-cooperate lang sila sa atin at the same time sa mga resorts owners natin at operators sa mga guests nila na during night time na mag-night swimming na iyong mga nakainom pagbawalan nila,” matud ni Maganto.
Magpabiling taas ang ilahang alerto aron mamahimong hapsay ang pagselebrar sa publiko sa kapaskuhan ug bag-ong tuig.
Katambayayong usab nila ang nagkadaiyang security forces sa pagbantay sa dakbayan.
Matud niini nga wala pod silay bakasyon aron mapatrolyahan ug mabutangan gayod og mga personahe ang tanang pantalan ubos sa ilang areas of responsibility.
RadyoMaN Aimee Guinita
