Naka full alert status eon rong Philippine Coast Guard (PCG) ag ro tanan nga operating units kara bilang preparasyon sa pag dagsa it mga biyahero sa mga pantalan makarong Paskwa ag Bag-ong Dag-on.
Suno kay PCG Commandant Admiral Elson Hermogino, hugot rong ginahimo nandang pre-departure inspections sa mga pantalan para siguraduhon nga sa insaktong numero rong mga magasakay sa mga pampasaherong ferry boat.
Makaangkon man suno kana it hugot nga pagbantay sa mga lugar nga naga doble rong numero it mga pasahero kung makarang tyempo kapareho it Cebu, Batangas, Iloilo, Bicol ag Zamboanga.
Mag-eowas kara, maga dugang man it mga tawohan nga magabulig nga magabantay sa seguridad para man sa mga turistang magadagsa sa pila ka mga tourist spots it nasyon kapareho kung Boracay, Coron, Puerto Galera ag Anilao.
Una eon nga nagpaandam rong PCG sa mga biyahero nga likawan rong pagdaea it mga ginabawae nga bagay sa mga pantalan para nga indi ma istorbo sa biyahe.
