Posible hay cancela masquin cosa hora el Philippine Coast Guard con el viaje del mga lantsa para na mga provincia de isla amediante el mal tiempo que ta lleva el tifun Vinta.
Na entrevista del RMN Zamboanga enantes aga con el City Coast Guard station commander LTCDR Alvin Dagalea, porcausa cay ya man landfall ya enantes madrogada el tifun na vicinidad del Davao del Sur, y entero Mindanao el na alert level,necesita sila vicia con el la mar y si necesita cancela con el mga viaje,hay hace sila coneste insiguidas.
Presentamente,ya permiti na el ahensya manda viaja con el primer viaje para na Basilan, y en tiempo si queda malo el tiempo,hay dale sila el aviso publico de cancelasyon del viaje pormedio del anuncio na RMN Zamboanga. – Bhong Simbajon/RMN News
