Davao City – Gipasalig sa Philippine Coast Guard District Southeastern Mindanao nga magpabiling hugot ang ilang pagpatuman sa seguridad ug pagresponde sa mga emerhensiya sa kadagatan.
Gibutyag ni Commodore Allan Corpuz, Commander sa Philippine Coast Guard District Southeastern Mindanao, magpadayon ang ilang tahas taliwala sa giatubang COVID-19 pandemic .
Nagmalampuson ang gihimong Maritime Capability Exercise sa Philippine Coast Guard sa Kaputian Strait, Island Garden City of Samal niadtong Sabado, Agosto 7, 2021.
Gigraduhan og 9.5 ni Corpuz, ang paspas nga pag-aksyon sa mga personahe sa Coast Guard sa 6 ka mga scenarios diin adunay gi-detain nila nga barko nga wala maka-comply sa mga pertinenteng mga dokumentos, pagpalong sa nasunog nga barko, pagpugong sa oil spill ug pag-rescue sa mga biktima sa usa ka maritime incident.
RadyoMaN Aimee Guinita
