Ginhingyo sang siyam (9) ka mga officials sang Presidential Communications Operations Office (PCOO) kay Presidente Rodrigo Duterte nga idismiss si Assistant Secretary Mocha Uson.
Ini may kaangtanan sa viral kag kontrobersyal nga federalism video nga ginpost ni Uson sa iya nga blog nga gin-ulan man sang kritisismo.
Nagsulat ang mga opisyal sa presidente kag ginhatagan man sang kopya sang sulat si Executive Secretary Salvador Medialdea kag Special Assistant to the President Christopher “Bong” Go.
Suno sa mga officials, dapat kakason sa posisyon si Uson sa paglapas niya sa Section 4 (b) sang Code of Conduct and Ethical Standards for Public Officials and Employees ukon ang Republic Act 6713.
Nasaad sa amo nga layi ang pag-obserbe sang mga government officials and employees sang pinakamataas nga degree sang excellence, professionalism, intelligence kag skill sa ila nga pag-obra.
Madumduman nga wala nag-apologize si Uson sa kontrobersyal nga video kag ginpahayag nga luyag lamang niya makabulig sa federalism awareness campaign.
Photo from web
