PCSO-STL SA BUKIDNON, BUKSAN KARONG AGOSTO 28

419

BUKIDNON- buksan sa Philippine Charity Sweepstakes Office (PCSO) ang operation sa Small Town Lottery (STL) dinhi sa probinsya sa Bukidnon karong Agosto 28, 2017.

Sigun ni PCSO Chairman Jose Jorge E. Corpuz nga kini agi ug pagsanong sa manduni Presidente Rodrigo Duterte nga maka-generate ug pondo aron isuporta sa panginahanglanon sa mga government hospitals sa tibuok nasud. Sa 81 ka mga probinsya sa nasud, adunay STL ang 58 ka mga probinsya ug bag-o nga madugang ang probinsya sa Bukidnon.

Gikan sa income sa STL operation, 55% niini ang igahin sa price fund, 30% sa charity fund ug 15% sa operating fund. Sa 30% charity fund, kabahin dinhi ang1% share alang Provincial Government, 3% sa City/Municipal Government ug .75% sa Congressional office.


Gipanawagan ug gihangyo usab ni Mr. Mario S. Pelisco, ang PCSO Branch Manager dinhi sa Bukidnon, ang tanang adunay pasyenti nga nagkinahanglan ug medical assistance sa pagduol sa ilang opisina dinhi sa Capitol Compound diin gi gahinan kini ug pondo nga ₱80,000 matag adlaw. Magdala lamang samedical abstract ug hospital bill.

Ang core services sa PCSO mao ang mosunod: At Source and Processing diha sa mga government hospitals; endowment fund; calamity assistance; ambulance donation program; medical equipment donation program; medicines donation program; medical & dental missions; mandatory contributions.

Gipahayag ni Provincial Administrator Atty. Nestor E. Cajes, Jr. nga nalipay ang probinsya tungod kay kini mao ang mahimong tubag sa dugang nga problema sa illegal nga sugal, sanglit prioridad man sa Provincial nga panga-gamhanan sa bukidnon ang pakigbatok sa illegal nga druga ug illegal nga sugal.



Facebook Comments