Gimando karon ni Pres. Rodrigo Duterte ang pag-abolisar sa Presidential Commission on Urban Poor (PCUP) sama sa iyang unang gi-anunsyo na sa nilabay nga semana.
Sa news briefing karon ni Presidential Spokesperson Harry Roque, giila ni Roque ang PCUP nga maoy gimando sa pamuno-nasud nga bungkagon.
Ang PCUP ilawom kini kang chairperson Terry Ridon.
Duha ka mga dagkung rason, matud sa tigpamaba mao ang kapakyas sa maong buhatan nga mag-operate isip usaka ‘collegial body’ ug ang gikatahong mga ‘junkets’ sa mga kadagkuan sa maong buhatan.
Dugang ni Roque nga subay lamang usab kini sa una nang gilatid nga priority sa Duterte administration nga kamugnaan sa usaka bag-o ug ispesipikong Department of Housing nga maoy hingpit nga motutok sa housing alleviation and intervention program sa presenteng rehimen.
RadyoMan June Duterte
