Nagpagwa sang kamanduan si Police Senior Supt. Joel Limson, Provincial Director sang South Cotabato Police Provincial Office nga nagadumili sa mga katapo sang kapulisan sa probinsya nga mag-intra ukon magsulod sa anuman nga klase sang investment scam.
Dugang pa sang opisyal, magaatubang sang kaso nga administratibo ang sin-o man nga pnp personnel nga maglapas sa nasambit nga kamanduan sa tion nga madakpan ukon mareport sang mga pumuluyo nga imbolbado sa investment scam.
Samtang hugot niya man nga ginadumilian nga makita sa bisinidad sang nasambit nga mga investment scam area ang police mobile patrol nga ginagamit sang mga utoridad.
Madumduman nga isa ka babaye ang ginluthang patay sa syudad sang Koronadal sa alegasyon nga ini ang may kahilabtanan sa investment scam nga wala suno pa nabalik ang kwarta sang mga nag-intra sa amo nga investment.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
