ILOILO – Ginpaathag ni PDEA 6 Director Wardley getalla kon nga-a wala malakip sa narco-list nga ginpaguwa sang ila talatapan kahapon ang ngalan sang mga barangay officials nga matunog nga may kahilabtanan sa illegal nga druga.
Suno kay Getalla nga indi mangin balasehan ang mga sugid-sugid lamang nga involve sa ilegal nga druga ang natungdan nga barangay official kundi kinahanglan gid ang mabakod nga ebedensya.
Suno sa iya nga base sa ila pag-validate , wala sang konkreto nga pamatuod nga nagalamita sa mga natungdan sa illegal nga druga kabangdanan nga wala ang mga ini malakip sa narco-list.
Nahibaluan nga base sa listahan, isahanon lamang si punong barangay Gemma Calzado sang Kasing-kasing , Molo ang yara sa narco-list sang PDEA.
Photo from web
