Indi lamang ang pagpangdakop sa mga durugista ang ginatutukan sang PDEA region 6 sa nagapadayon nga kampanya kontra sa ilegal nga druga.
Magluwas sa paglagas sa mga durugista, ginatutukan man sang PDEA 6 ang paghiwat sang mga drug symposium bilang kabahin sang preventive measures.
Nahibaluan nga humalin sang Enero tubtub Setyembre subong nga tuig, nakahiwat na ang PDEA sang halos 500 na ka mga symposium sa mga eskuwelahan kag mga kabarangayan.//
Ginpahayag ni PDEA spokesman David Garcia, daku ang mabulig sang drug symposium sa away kontra druga bangud mahangpan gid sang mga pumuluyo ang malain nga epekto sang illegal nga druga sa kabuhi sang tagsa-tagsa.
Ginpasiguro sang PDEA nga magapadayon ang ila paghiwat sang mga drug symposium sa bug-os nga Western Visayas tubtub malab-ot sang rehiyon ang drug free status.
