Makatabang sa pag-edukar sa publiko bahin sa dautang epekto sa ilegal nga drugas ang sugyot nga iapil sa pagpadrug test ang mga tinun-an sa grade 4 sa alementarya.
Ang Information Officer sa Philippine Drug Enforcement Agency-7 nga si Leia Albiar nibutyag nga dinhi sa Central Visayas region adunay mga bata nga nag-edad pa lang ug 7 anyos ang miangkon nga nakasuway na sila paggamit ug ilegal nga drugas .
Ang rason nga naimpluwensiya sila sa ilang mga barkada o kaha nakakita sila mismo sa ilang ginikanan nga naggamit usab ug ilegal nga drugas.
Matud ni Albiar kung madayon ang tinguha nga himoong mandatory ang drug test gikan sa grade 4 ngadto na sa high school lakip na ang mga magtutudlo , kung adunay mapositibo sa paggamit ug drugas dili ipublikar ang pangan niini ug way silot nga ihatag.
Adunay counseling sa bata ug inahan diin pasabton sila unsay sangputanan sa usa ka tawo nga adik na sa paggamit ug ilegal nga druga.
