El Philippine Drug Enforcement Agency (PDEA) 9 ya destrosa con el maga droga que ya confisca sila durante el maga operacion contra droga projivido na region 9 y BaSulTa.
El destrosada yah ace pormedio de quema adentro del boiler del Permex Producer and Exporter Corporatioon na Ayala del Webes aga.
Ya alcansa poco-mas-o-menos de 230 miliones de pesos valor el maga droga que ya destrosa.
El actividad ya encabesa el Dirrector Regional del PDEA si Dirrector Lyndon Aspacio, CESE junto con cuantos representatnte desde na Media, DOJ, PAO, Civil Society Organizations, EMB, Acedeme, officiales local, representante desde na Dipolog City, Pagadian City y Zamboanga City.
El maga droga ta composite el 3 quilo de shabu, 114 quilo de ephedrine, 16 quilo de aziridine y 388 gramo de marijuana.
El destrosada del maga droga seguindo con el lei bajo na section 6 del dangerous drug board regulation no. 1, series of 2002.
El manera del destrosada amo usada del calor desde na boiler que ya alcansa hasta na 800 degree cesius.
El maga droga que ya destrosa adentro del total de 739 caso de droga el ya man prosper na corte.
