Davao City – Dol-an 300 ka lecture ang gilusad sa Philippine Drug Enforcement Agency (PDEA-XI) subay sa datos sa maong buhatan niadtong milabay tuig 2017.
Sumala ni PDEA-XI Spokesperson Noli Nephi Dimaandal nga kapin 57 mil ka mga tao ang nipartisipar sa paglecture sa tibuok Davao Region.
Gidugang ni Dimaandal nga sa kada lecture adunay unom ka topic ang gina-discuss sama sa ‘Basic Drug Identification and Effects’, unsa ang epekto sa naggamit sa ginadiling droga diha sa lawas sa tao, mga rason kun ngano ang tawo nga mupadulong sa paggamit og druga ug gipasabot usab ang balaud Republic Act 9165 kun Comprehensive Dangerous Drugs Act of 2002 lakip kung unsa ang ilang silot ug dangatan ngadto sa mga nalambigit sa ginadiling droga.
Gikanayon ni Dimaandal nga karon bulana sa tuig 2018 isa pa lang ang gipahigayon nga pag lecture partikular sa Holy of Cross Davao College-Highschool Department ning siyudad diin gikanayon ni Dimaandal kung unsa ang performance sa PDEA-XI kabahin sa kampanya nga gipakusgan batok iligal nga droga.
RadyoMaN Don Pulayao
