Davao City – Kumpletos-recados: Kini ang paghulagway karon sa mga anti-drug administrators sa rehiyon sa kampanya pagpukan sa mangtas kaayong bisyong drogas.
Sa interbyu sa consistent no. 1 radio social commentary program nga ‘Straight to the Point,’ gi-anunsyo ni Philippine Drug Enforcement Agency (PDEA-XI) regional director Adzhar Albani nga mas ‘wholesome approach’ na karon ang hugot gipursigi sa atong mga tinugyanan sa balaud sa prayoridad nga pagbuntog sa illegal drugs.
Ang law enforcement tipik lamang sa kinatibuk-ang kampanya kontra shabu ug uban pang mga narkotiko, segun kang Albani kinsa nagkanayun nga gitutukan na usab nila ang uban pang importanteng aspeto sa operasyon.
Kalakip na dinha ang reformation and rehabilitation ilabi na dinha sa ‘grassroots’ kun barangay level inubanan sa education, advocacy and awareness-heightening ug livelihood kun oportunidades alang sa ‘gainful employment’ kun malahutayong panginabuhian niadtong buot mag-nomalize na sa ilang kinabuhi.
Sa susamang pakighinabi, gisugilon sa regional PDEA head nga magbantay kita sa mga nanggawas nga mga survey results sama sa 54% nga matud pa nagtoong ‘wala manukol’ o ‘nanlaban’ ang mga drug war operations casualties sanglit kwestionable man ang framing kun wordings sa survey questionnaire nga nahisgotan.
Gitino usab sa hepe sa PDEA-XI nga base sa ilang nakalap nga mga inpormasyon, dili tanan hardcore drug personalities gani ang uban na-engganyo lamang sa maong dinautang binuhatan kinsa makaya pa nga salbaron pinaagi sa hustong intervention program.
Una niini, gitumong sa kagamhanan ang gitawag nga ‘whole of government and society approach’ diin ang kapulisan pudyot lamang nga actor sa anti-drug campaign, kon dili ang entero sosyedad aduna gayuy mandato ug responsibilidad nga mo-asistir sa pwede nilang itampong bililhon kaayong partisipasyon.
Usab hugot giduso sa pipila ka mga proponents nga hatagan usab ug lig-on nga atensyon ang ‘harm reduction strategy’ diin focusan dili lamang ang pagpanakop or pagpanokhang apan diha sa natad sa ‘drug use prevention and minimization.’
RadyoMan June Duterte
