PDEA, indi masarangan solbaron ang problema sa droga suno sa VACC Chief

Indi masarangan solbaron sang Philippine Drug Enforcement Agency ukon PDEA ang problema sa illegal nga droga.

Ini ang pahayag ni Volunteers Against Crime and Corruption Chairman Dante Jimenez angot sa mandu ni Presidente Rodrigo Duterte nga ang PDEA na lang ang magpatigayon sang anti-illegal drug operation .

Suno kay Jimenez, yara lamang sa 2,000 ang tropa sang PDEA ikumpara sa 150,000 nga tropa sang Philippine National Police.

Dugang pa niya nga may mga corrupt man nga katapo sang PDEA .

Ginpahayag ni Jimenez nga mahimo mangisog lang ang mga drug suspects kon ang PDEA ang magpanguna sa operasyon.