PDEA | Masobra 200 ka High Value target sa rehiyon 6, padayon nga ginabantayan sang ahensya.

Padayon nga gina-monitor sang PDEA Region 6 aang 218 ka High Value Target nga Drug Personalities sa bug-os nga Western Visayas.

Base sa monitoring sang PDEA 6, ang 218 ka HVTs ginabug-usan sang mga drug group members, mga na-tokhang nga nagbalik sa drug trade kag mga wanted sa iligal nga droga ang yara sa ila listahan.

Ginpahayag ni PDEA Director Alex Tablate, apisar sang masangkad nga kampanya kontra iligal nga droga may mga pumuluyo sa gihapon nga padayon sa iligal nga aktibidad.

Agud malab-ot ang mga dalagko nga durugista sa Rehiyon, wala untat ang mga operatiba sa pagbantay sa ila mga aktibidad kag pagasundan sang law enforcement operation sa tion nga matiyempuhan.