Naghiwat sang Greyhound operation sa ADistrict Jails sang Passi City kag Pototan, Iloilo ang PDEA regional Office 6.
Ini agud maduso ang handum sang ahensya nga mangin Drug Free ang mga Jail Facilities sa bug-os nga Western Visayas.
Una nga ginsulod sang mga operatiba sang PDEA 6 ang Passi City DSistrict Jail kon sa diin gintsekyar ang tanan nga selda kag ginpaidalum sa random drug test ang mga inmates.
Sa nasambit nga inspection, nangin negatibo sa mga kontrabando ang Passi City District jail kag wala man sang priso nga nagpositibo sa drug test.
Masunod nga ginpadulungan kag gintsekyar sang mga operatives ang Pototan District Jail kon sa diin kasubong sa Passi City District Jail , nangin negatibo man ang resulta sang pagtsekyar sa mga selda kag negatibo man sa paggamit sang ilegal nga druga ang mga inmates.
