CAUAYAN CITY – MAS PINAIGTING NG PHILIPPINE DRUG ENFORCEMENT AGENCY REGIONAL OFFICE II (PDEA RO II) ANG PAGBABANTAY LABAN SA ILIGAL NA DROGA MATAPOS MAGSAGAWA ANG AHENSYA NG K9-ASSISTED INTERDICTION OPERATION SA CAUAYAN CITY DOMESTIC AIRPORT NITONG AGOSTO 19, 2025.
SA PANGUNGUNA NG K9 UNIT NA SI “VENUS”, MASINSINANG ININSPEKSYON ANG MGA INBOUND AT OUTBOUND FLIGHTS NG TAGUMPAY AIR, SKYPASADA, AT CEBU PACIFIC UPANG MATIYAK NA WALANG MAKAKALUSOT NA IPINAGBABAWAL NA GAMOT NA MAAARING DUMAAN SA REHIYON.
BAGAMAT WALANG NAKUMPISKANG DROGA, IGINIIT NG PDEA NA MAHALAGA ANG TULOY-TULOY NA OPERASYON UPANG MAPANATILING LIGTAS, DRUG-FREE, AT MAPAGKAKATIWALAAN ANG PANGUNAHING PALIPARAN NG CAGAYAN VALLEY.
AYON SA AHENSYA, ANG CAUAYAN CITY AIRPORT AY ITINUTURING NA KRITIKAL NA GATEWAY PARA SA KALAKALAN AT PAGLALAKBAY, KAYA’T NARARAPAT LAMANG NA BANTAYAN ITO LABAN SA ANUMANG BANTA NG DRUG SMUGGLING.
