Maga agente del PDEA9, PDEA ARMM junto conel pulis y maga soldao ya confisca shabu balor de P10.2 miliones durante el buy-bust operation ya conduci na Poblacion, Kabasalan, Zamboanga Sibugay del Lunes por la noche.
Durante el operacion, unu del maga target persona si Jamil Asmad ya imbisti con el maga otoridad que ya resulta na cambiajan de tiro hasta ya resulta na muerte si suyu.
Si Alkiezer Canda y Cuartocruz, (menor de edad) ya sale arestao mientras si Ibno Ahod alias Utoh ya puede escapa.
Maga otoridad ya recobri na lugar del operacion dos grande-grande paquete de shabu tiene el pesades de unu-y-mediya quilaje con cantidad de P10, 2000,000, buddle money, calibre 45 pistola con maga bala, motosiclo y cuantos maga personal cosas.
Maga otoridad ta prepara ya el propio caso que ay planta con el arestao y escapao suspechao na corte.
