Davao City – Nagtoo ang Philippine Drug Enforcement Agency (PDEA-XI) nga duna nay himoong mga safety nets o protocol, ang Philippine National Police (PNP) sa ilang operasyon batok gidiling droga aron dili na makaangkon ug negatibong impresyon gikan sa mga kritiko.
Sumala ni PDEA-XI acting director Antonio Rivera, usa sa gihimo mao ang pagpili sa mga pulis nga moapil sa operasyon sa pagseguro nga walay mahitabong extra judicial killings.
Samtang gipasalig usab sa kapulisan nga ilang paningkamutan nga mamahimong hapsay ug walay matigayong Human Rights Violation sa ilusad nilang mga operasyon. Matud ni Davao City Police Office (DCPO) Spokesperson Police Sr.Insp.Maria Teresita Gaspan, ginahimo nila karon ang capacity building training aron masunod ang insaktong proseso sa mga himoong operasyon.
Maningkamut usab ang PDEA-XI nga maoy lead agency sa maong tahas nga mapukan ang gidiling droga sa laing tuig nga gitinguha ni Pres. Rodrigo Duterte sa war on drugs.
RadyoMaN Bernard Pantallon
