Davao City – Gi-file na sa Philippine Drug Enforcement Agency (PDEA-Xl) kagahapon adlawa Enero 16, 2023, ang kasong kalapasan sa RA 9165 o Comprehensive Dangerous Drugs Act of 2002 batok sa duha ka High Value Target (HVT) nga sila Mars Frederick Yamson, government employee, John Rex Tabudlong, @ Junrex, 39 anyos, minyo ug residente sa Purok 4-B, Barangay Mayo, Mati City, Davao Oriental.
Sa interbyu sa DXDC RMN Davao kang Noli Dimaandal, Spokesperson PDEA-XI, gibutyag niya nga ang duha ka empleyedo sa gobyerno dugay na nga ginapanid-an sa mga awtoridad hangtod nasikop sila sa managlahing drug buy bust operation.
Segun ni Dimaandal, lakip gipasakahan og kaso ang kauban ni Yamson nga si Charlie Magne Manila, alyas Wowie, 47 anyos, Archie Datoon ug Razine Karl Jaso, kinsa naabtan nga nagshabu session.
Samtang sikop usab sila Cyrus Andamon, @ Dondon, 45 anyos ug Kenny Ngaday kinsa pulos nadakpan sa Rosalina 1, Bago Gallera, Davao City.
RadyoMaN Don Pulayao
Facebook Comments
