Davao City – Padayong naglusad og drug clearing operations ngadto sa mga barangay sa rehiyon onse ang Philippine Drug Enforcement Agency 11 (PDEA-XI).
Sumala ni PDEA-XI officer-in-charge Naravy Duquiatan nga 112 na ka mga barangay ang napailalom sa drug clearing operation ug 7 na ka mga munisipalidad ang gideklara nga drug cleared nga mao ang mga lungsod sa Sta. Maria Davao Occidental, San Isidro Davao del Norte, Matanao Davao del Sur, Don Marcelino Davao Occidental, Sarangani Province, San Isidro Davao Oriental ug Talaingod Davao del Norte.
Gidugang ni Duquiatan nga bisan paman kulang og tao ang PDEA-XI, dili kini babag sa ilang trabaho ug ila gihapon pahugtan ang kampanya sa pagsugpo sa iligal nga droga.
Gikanayon ni Duquiatan nga padayon usab nila gipahigayon ang seminars ngadto sa mga komunidad.
RadyoMaN Don Pulayao
