Davao City – Easy money ug dali ang kita sa pagbaligya sa gidiling droga, kini ang rason nga magtukmod sa mga babayi sa pagsulod sa illegal nga binuhatan, segun sa Philippine Drug Enforcement Agency (PDEA-Xl).
Sa interview sa DXDC RMN Davao kang Noli Dimaandal, PDEA-XI spokesperson gibutyag niini, gawas nga dali ang income, taas usab ang presyo sa droga sa Davao City ug tibuok Davao region nga moabot sa P12K-P15K ang matag gramo.
Segun sa Dimaandal, daghan ang mosulod sa maong negosyo, gawas nga dali ang kuwarta dili na sila gustong mahago sa trabaho.
Duha ka babayi ang nadakpan sa managlahing buy bust operation sa area San Pedro ug Sasa Police Station ug usa niini ang Top 1 City Level High Value Individual nga si Mirasol Berja Cubay, alias ‘Madam’, taga Babak, Island Garden City of Samal, human nakuhaan og P150,560.00 kantidad sa shabu.
RadyoMaN Don Pulayao
Facebook Comments
