Sa interbyu sa DXDC RMN Davao kang Noli Dimaandal Spokesperson sa Philippine Drug Enforcement Agency (PDEA-Xl), giingon niini nga ang duha nga nagpositive sa drug test usa ka konduktor gikan sa Digos City Terminal ug usa ka driver gikan sa Tagum City Overland Transport Terminal (TCOTT) sa Davao del Norte, samtang walay nagpositibo sa Davao City Overland Transport Terminal (DCOTT) ug Bajada Mall Terminal Davao City.
Segun ni Dimaandal, ang duha nagpositibo pinaagi sa screening test ug karong adlawa Abril 5, 2023 himoon ang confirmatory test sa duha human sa gihimong drug test.
“Sa akong pagkabalo naay intervention program himuon, actually kun naay magpositive subject for counting siguro naay ipa compply sa LTO sa mga nagpositive,” sulti ni Dimaandal.
Dugang ni Dimaandal, ang duha mag-atubang og kaso isip kalapasan sa Republic Act (RA)10586 Anti-Drunk and Drugged Driving Act.
Kahinumduman, 600 ka mga driver ug konduktor ang gipa-ilawom sa surprise drug test sa upat ka mga dagkong terminal sa Davao Region.
RadyoMaN Don Pulayao
